لاصرت صادق قالوا الناس مجنون
ما يمدحون الا النفوس القبيحه

وخلك صمود بوجه الايام موزون
وما حرم الله إثم لا تستبيحه

والكبر لو به فايده فاد فرعون
ومن ذاع سره بشره بالفضيحه

والله لو يعطون لك مال قارون
ماشفت نفسك بالغنى مستريحه

أنفض هموم القلب وابليس ملعون
وان ضاق صدرك أرض ربي فسيحه

أضحك وفل حجاجك أشفيك محزون
دنياك ماتسوى وخذها نصيحه

مادام مالك ميت ولا انت مديون
إرم الهموم وخل نفسك مريحه

لو كانوا اصحابك يظاهون مليون
نق الكفو منهم وخل النطيحه

الشاعر ابوصقر الزعبي