القاهرة- تضامنا مع ضحايا جمهور “أولتراس وايت نايتس″ انسحبت الإعلامية المصرية ريهام سعيد، على الهواء من حلقة برنامجها على قناة “النهار”، وأعلنت الحدادا، رداً على مذبحة الدفاع الجوي والتي راح ضحيتها 19 مشجعا زملكاويا.

ريهام قالت في برنامجها “آخر النهار” على قناة “النهار”، في حلقة مساء الاثنين: مشكلتنا الأساسية في البلد إن البني آدم مالوش قيمة.. أنا ابني زملكاوي وبيحب يروح الماتشات وتخيلته في نفس الموقف، وتساءلت: أكتر من ٢٠ بني آدم راحوا إمبارح إحنا ليه مش عاملين حداد؟.

الإعلامية المصرية أكدت قبل انسحابها قائلة: “أنا مش هاتكلم كتير النهاردة، ولكن هحط نفسي مكان أي أم مات أولادها، عايزين تحقيق شفاف، وأقسم بالله العظيم إدارة القناة متعرفش إني هنسحب ومش هاكمل الحلقة، رغيت كتير، ومحدش سمع حاجة، آسفة هنسحب على الهوا، أنا جيت علشان أقولكم أنا مش خايفة وأقول كلمة حق، اللي هيقول إني أُووفر وبأمثّل ده مش حقيقي، النهاردة مينفعش أقدم حلقة وأقول حاجة.. فيه أرواح راحت لا هي على جبهة ولا رمت مولوتوف، ناس رايحة تتفرج على ماتش كان ممكن يبقى ابني، أنا آسفة مش هاكمل وهانسحب”.